Tuesday, January 13, 2015
អាជ្ញាធរអគ្គិសនីកម្ពុជាប្រកាសបញ្ចុះតម្លៃភ្លើងត្រឹម៦១០រៀលក្នុង១គីឡូវ៉ាត់សម្រាប់អ្នកជួលផ្ទះនៅភ្នំពេញ
អាជ្ញាធរអគ្គិសនីកម្ពុជា (EDC) នឹង បញ្ចុះតម្លៃភ្លើងដល់កម្មករ និងអ្នកជួលផ្ទះនៅរាជធានីភ្នំពេញដទៃទៀត ដែលមកពីតាមខេត្ត មកត្រឹម៦១០រៀល ក្នុង១គីឡូវ៉ាត់ម៉ោង សម្រាប់អ្នកប្រើប្រាស់ក្រោម ៥០គីឡូវ៉ាត់ក្នុង១ខែ។
ការប្រកាសបញ្ចុះតម្លៃភ្លើងនេះ ត្រូវបានលោក កែវ រតនៈ អគ្គនាយក អាជ្ញាធរអគ្គិសនីកម្ពុជា ផ្ញើសារដល់កម្មករ និងអ្នកជួលផ្ទះទាំងអស់ បន្ទាប់ពីលោកនាយករដ្ឋមន្ត្រី ហ៊ុន សែន បញ្ជាឲ្យអាជ្ញាធរអគ្គិសនីកម្ពុជា ធ្វើការជាមួយនឹងក្រសួងរ៉ែ និងថាមពល និងសាលារាជធានីភ្នំពេញ ចុះពិនិត្យមើលឡើងវិញនូវតម្លៃអគ្គិសនីតាមផ្ទះជួល ដែលម្ចាស់ផ្ទះបានលក់ក្នុងតម្លៃខ្ពស់ដល់អ្នកជួលផ្ទះ ក្នុងនោះមានកម្មកររោងចក្រជាដើម។
លោក ហ៊ុន សែន អះអាងក្នុងពិធីបើកសម្ពោធឲ្យដំណើរនៃវារីអគ្គិសនី ឫស្សីជ្រំ ស្ថិតក្នុងស្រុកមណ្ឌលសីមា នៃខេត្តកោះកុង កាលពីថ្ងៃទី ១២ ខែ មករា ថា តម្លៃភ្លើងតាមផ្ទះជួល មានតម្លៃខ្ពស់ជាងក្រុមហ៊ុនផ្គត់ផ្គង់អគ្គិសនីកម្ពុជា លក់ ឲ្យម្ចាស់ផ្ទះជួលទាំងនោះ នាំឲ្យដាក់បន្ទុកបន្ថែមទៀតដល់កម្មករ ដែលជួលផ្ទះនៅទីក្រុងភ្នំពេញ ដែលកំពុងធ្វើការតាមរោងចក្រសហគ្រាសនានា។
ប្រធានបណ្តាញអគ្គិសនីកម្ពុជា លោក ហង់ ទូច ធ្វើសន្និសីទកាសែតនាខេត្តសៀមរាប កាលពីថ្ងៃទី១៨ ខែសីហា ឆ្នាំ២០១៤។
This post was written by: Author Name
Author description goes here. Author description goes here. Follow him on Twitter
Subscribe to:
Post Comments (Atom)
0 Responses to “អាជ្ញាធរអគ្គិសនីកម្ពុជាប្រកាសបញ្ចុះតម្លៃភ្លើងត្រឹម៦១០រៀលក្នុង១គីឡូវ៉ាត់សម្រាប់អ្នកជួលផ្ទះនៅភ្នំពេញ”
Post a Comment