Wednesday, June 1, 2016
ការបង្ហាញលក្ខណៈសម្បត្តិរបស់ Xiaomi Mi 5
នៅក្នុងឆ្នាំ 2016 នេះ យើងសង្កេតឃើញមាន ស្មាតហ្វូន ជាច្រើនបាន ប្រកួតប្រជែងគ្នា ចេញលក់នៅលើ ទីផ្សារ ដែលក្នុងនោះមានដូចជា Galaxy S7, LG G5, Huawei P9, រឺក៏ HTC 10 ជាដើម ហើយសម្រាប់ Mi 5 នេះ គឺជាការដើរលើ ក្រឡាអុកថ្មី របស់ក្រុមហ៊ុន Xiaomi ហើយវាក៏ធ្វើអោយ ស្មាតហ្វូនកំពូល ផ្សេងៗទៀត ពិបាកក្នុងការលក់ នៅក្នុងប្រទេសមួយចំនួន ផងដែរ ដូចជា ចិន និងឥណ្ឌា។ ហើយនេះក៏ដោយសារតែ Xiaomi មានការគាំទ្រច្រើនបំផុត នៅក្នុងប្រទេសដែលមាន ប្រជាជនច្រើន ហើយគោលដៅធំបំផុតរបស់ Xiaomi នោះ គឺផលិតស្មាតហ្វូន ដែលមានកម្លាំងម៉ាស៊ីនខ្លាំង និងមានតម្លៃថោកសមរម្យ។
វាមានតម្លៃ ត្រឹមតែ 400$ ជាងតែប៉ុណ្ណោះ តែវាត្រូវបានបំពាក់ ដោយកម្លាំងម៉ាស៊ីនខ្លាំង និងគុណភាព នៃការផលិត ដ៏ល្អ ដែលបានវេចខ្ចប់ នៅក្នុងស្មាតហ្វូន មួយនេះ។ ចង់ដឹងអោយកាន់តែច្បាស់ ថាតើ Mi5 នេះ ពិសេសយ៉ាងណានោះ សូមតាមដាន ការបង្ហាញលក្ខណៈសម្បត្តិ ដោយខេមបូ ទាំងអស់គ្នា។
រចនាបថ
មើលពីខាងក្រៅ Mi 5 ខ្ចីការរចនាច្រើនពី Note 5 និង Mi Note ដូចជាកញ្ចក់ខាងក្រោយ រាងកោង ដែលជាប្រភេទកញ្ចក់ Gorilla Glass 4 ជាដើម។ វាមានទម្ងន់ស្រាលទេ គឺត្រឹមតែ 129 ក្រាមតែប៉ុណ្ណោះ ហើយមិនតែប៉ុណ្ណោះ វាក៏ងាយនឹងប្រឡាក់ស្នាមម្រាមដៃ ផងដែរ។
ងាកមកមើល ផ្នែកខាងឆ្វេង នៃទូរស័ព្ទ យើងសង្កេតឃើញមាន ប៊ូតុងបន្ថែមបន្ថយសម្លេង និងប៊ូតុង Power មួយ ចំណែកឯផ្នែកខាងស្តាំ នៃទូរស័ព្ទវិញ យើងសង្កេតឃើញមានតែ រន្ធសម្រាប់ដាក់ ស៊ីមកាត ដែលអាចប្រើប្រាស់ បានចំនួន 2 តែប៉ុណ្ណោះ។ នៅផ្នែកខាងលើ យើងសង្កេតឃើញមាន រន្ធសម្រាប់ដោតកាស, រន្ធស្រូបសម្លេង និងរន្ធ IR Blaster សម្រាប់បញ្ជា ឧបករណ៍អេឡិចត្រូនិច។ ចំណែកឯ ផ្នែកខាងក្រោម យើងសង្កេតឃើញមាន រន្ធសាកថ្ម Type-C និងរន្ធបំពងសម្លេង អមសងខាងវា។
អេក្រង់
Mi 5 មានអេក្រង់ទំហំ 5.15 អ៊ីញ ប្រភេទ IPS LCD ដែលអាចបង្ហាញ រូបភាពបានក្នុងកម្រិត 1080p និងមានដង់ស៊ីតេអេក្រង់ 428 ppi។
ប្រព័ន្ធប្រតិបត្តិការ
វាត្រូវបានបំពាក់ដោយ បន្ទះឈីប Snapdragon 820 ដែលមានស៊ីភីយូចំនួន 8 គ្រាប់ អមកដោយរ៉េមទំហំ 3GB (សម្រាប់ Mi 5 ធម្មតា) និង 4GB សម្រាប់ (Mi 5 Pro edition) ព្រមទាំងប្រើប្រាស់បន្ទះឈីបក្រាហ្វិក Adreno 530។ វាមានអង្គចងចាំ ខាងក្នុងម៉ាស៊ីនចំនួន 3 ជម្រើស ដូចជា 32/64GB សម្រាប់ Mi 5 ធម្មតា និង 128GB សម្រាប់ Mi 5 Pro edition។
វាដំណើរការដោយ ប្រព័ន្ធប្រតិបត្តិការ Android Mashmallow 6.0 ស្រោបដោយ MIUI 7.0 ចេញពីប្រអប់ស្រាប់។ សម្រាប់ថាមពលថ្ម របស់វា មានទំហំ 3000mAh ភ្ជាប់មកជាមួយនឹង មុខងារ Fast Battery Charging ដែលអាចសាកថ្ម ក្នុងរយៈពេល 30 នាទី បាន 83 ភាគរយ។
កាមេរ៉ា
Mi 5 បានបំពាក់ដោយកាមេរ៉ា ខាងក្រោយទំហំ 16 មេហ្គាភិចសែល ដែល Len របស់វាមាន Aperture f/2.0 និងមានភ្លើង Flash LED ភ្លោះមួយគ្រាប់ ព្រមទាំងអាច ថតវីដេអូបានដល់កម្រិត 4K ផងដែរ។ ដោយឡែក ចំពោះកាមេរ៉ាខាងមុខវិញ មានទំហំ 4 មេហ្គាភិចសែល ដែល Len របស់វាមាន Aperture ដូចគ្នា គឺ f/2.0 និងអាចថតវីដេអូបាន ក្នុងកម្រិត Full HD 1080។
ចំណាប់អារម្មណ៍
និយាយពីចំណាប់អារម្មណ៍ ទៅលើស្មាតហ្វូន មួយនេះ ខ្ញុំយល់ថា ត្រឹមតម្លៃ 400$ ជាងនេះ គឺពិសេសណាស់ហើយ បើយើងគិតទៅលើ ការរចនា កម្លាំងម៉ាស៊ីន របស់វានោះ ហើយបើធៀបទៅនឹង ស្មាតហ្វូនកំពូល របស់ក្រុមហ៊ុន ផ្សេងៗទៀតនោះ គឺមានតម្លៃស្មើនឹង ពាក់កណ្តាល តែប៉ុណ្ណោះ។ អញ្ចឹងហើយ សម្រាប់ប្រិយមិត្ត ដែលមានថវិកាល្មម ហើយចង់ប្រើប្រាស់ ស្មាតហ្វូន ដែលមានកម្លាំងខ្លាំងនោះ អាចពិចារណា ទៅលើម៉ូឌែល មួយនេះបាន។ Xiaomi Mi 5 នេះ ក៏មានដាក់លក់ហើយ នៅលើទីផ្សា ប្រទេសកម្ពុជាយើង ដែរហើយ ដែលអ្នកទាំងអស់គ្នា អាចស្វែងរក និងជាវបាន នៅតាមបណ្តាហាងលក់ ទូរស័ព្ទនានា។
ទស្សនាវីដេអូ បង្ហាញលក្ខណៈសម្បត្តិរបស់ស្មាតហ្វូននេះ
Source From: Cambo-report.com
Tags: Technology
This post was written by: Author Name
Author description goes here. Author description goes here. Follow him on Twitter
Subscribe to:
Post Comments (Atom)
0 Responses to “ការបង្ហាញលក្ខណៈសម្បត្តិរបស់ Xiaomi Mi 5”
Post a Comment