Saturday, December 27, 2014
ក្រសួងទេសចរណ៍គ្រោងនឹងរៀបចំពិធី "បុណ្យទន្លេ” លើកទី១ នៅក្នុងខេត្តក្រចេះនៅខែមិនា ឆ្នាំ២០១៥ ខាងមុខនេះ
ថ្លែងក្នុងពិធីប្រជុំដើម្បីត្រៀមលក្ខណៈក្នុងការរៀបចំបុណ្យទន្លេ សម្រាប់ខេត្តក្រចេះ ជាមួយ និងមន្ត្រីពាក់ព័ន្ធ ប្រធានមន្ទីរ អាជ្ញាធរមកពីខេត្តក្រចេះ នៅទីស្តីការក្រសួងទេសចរណ៍ នាព្រឹកថ្ងៃទី ២២ ខែធ្នូ ឆ្នាំ ២០១៤ ឯកឧត្តម ថោង ខុន រដ្ឋមន្ត្រីក្រសួងទេចរណ៍ បានមានប្រសាសន៍ថា រាជរដ្ឋាភិបាលនឹងរៀបចំពិធីបុណ្យទន្លេ ដើម្បីបំផុសចលនាមហាជនឲ្យចូលរួមក្នុងការងារអភិរក្ស និងអភិវឌ្ឍធនធានទន្លេប្រកបដោយនិរន្តរភាព តាមរយៈការបង្កើតព្រឹត្តិការណ៍ថ្មីៗសម្រាប់ខេត្ត តាមដងទន្លេនៃព្រះរាជាណាចក្រកម្ពុជា។
ឯកឧត្តម បានបន្តថា ពិធីបុណ្យទន្លេរាជរដ្ឋាភិបាលបានកំណត់យកក្នុងសប្តាហ៍ទី ១ឬទី២ ខែ មិនា ជារៀងរាល់ឆ្នាំ តែសម្រាប់ឆ្នាំ ២០១៥ខាងមុខនេះគឺយកថ្ងៃទី ១៣ ដល់ ១៤មិនាតែម្តង ដើម្បីរៀបចំពិធីបុណ្យទន្លេ ដោយមានការផ្លាស់ប្តូរវេន គ្នាជាបន្តបន្ទាប់នៅតាមខេត្តជាប់ដងទន្លេនៃព្រះរាជាណាចក្រកម្ពុជា។
ឯកឧត្តម រដ្ឋមន្ត្រីបញ្ជាក់បន្តថា ការរៀបចំពិធីបុណ្យទន្លេនេះឡើងក៏ដើម្បីចូលរួម អភិវឌ្ឍផលិតផលទេសចរ ដោយផ្តោតទៅលើធនធានធម្មជាតិនៅតាមដងទន្លេមេគង សេដ្ឋកិច្ច វប្បធម៌ និងសង្គម ផ្សព្វផ្សាយពីកិច្ចសហប្រតិបត្តិការរវាងប្រទេសនៅជាប់ទន្លេមេគង្គ ព្រមទាំងសម្រួលដល់ការធ្វើដំណើរ និងបណ្តុះបណ្តាលធនធានមនុស្សរស់នៅតាមដង់ទន្លេមេគង្គផងដែរ៕
This post was written by: Author Name
Author description goes here. Author description goes here. Follow him on Twitter
Subscribe to:
Post Comments (Atom)
0 Responses to “ក្រសួងទេសចរណ៍គ្រោងនឹងរៀបចំពិធី "បុណ្យទន្លេ” លើកទី១ នៅក្នុងខេត្តក្រចេះនៅខែមិនា ឆ្នាំ២០១៥ ខាងមុខនេះ”
Post a Comment