Thursday, December 25, 2014
ស្រវឹងខ្លាំងពេក បើកលើផ្លូវមិនសុខ ក៏ទៅលេងបង្គោលភ្លើងអស់មួយដើម 26/12/2014
រាជធានីភ្នំពេញ ៖ កាមរីបាឡែនមួយ ត្រូវបានសមត្ថកិច្ចអះអាងថាអ្នកបើកបរស្ថិតក្នុងសភាពស្រវឹង បានបើកក្នុងល្បឿនលឿនជ្រុលទៅបុកផ្ទប់ នឹងបង្គោលភ្លើងបំភ្លឺផ្លូវបាក់អស់មួយដើមនៅចំណុចច្រមុះជ្រូកក្បាលថ្នល់ ស្ថិតតាមបណ្តោយផ្លូវព្រះមុនីវង្ស ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ កាលពីវេលាម៉ោង១ និង១៥នាទីយប់ រំលងអាធ្រាត្រឈានចូលថ្ងៃទី២៦ ខែធ្នូ ឆ្នាំ២០១៤។
សាក្សីបានឲ្យដឹងថា មុនពេលមានហេតុការណ៍គ្រោះថ្នាក់កើតឡើង គេបានសង្កេតឃើញបុរសម្នាក់បើករថយន្តមួយគ្រឿងម៉ាកកាមរីបាឡែន ពណ៌ស្ករ ពាក់ស្លាកលេខភ្នំពេញ 2T-5976 បើកបរតាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូង ក្នុងស្ថានភាពស្រវឹង និងក្នុងល្បឿនយ៉ាងលឿន លុះមកដល់ចំណុចកើតហេតុក៏រេចង្កូតជ្រុលទៅបុកផ្ទប់នឹងបង្គោលភ្លើងបំភ្លឺផ្លូវយ៉ាងពេញទំហឹងបណ្ដាលឲ្យបង្គោលភ្លើងបាក់ទ្រេត។ ហើយរថយន្ត ត្រូវបែកពោងសុវត្ថិភាពទាំង០២ និង រងការខូចខាតផ្នែកខាងមុខស្ទើរតែទាំងស្រុង។ ប៉ុន្តែមិនបានបណ្ដាលឲ្យមានមនុស្សណាម្នាក់រងរបួសឡើយ គ្រាន់តែខូចខាតទ្រព្យសម្បត្តិតែប៉ុណ្ណោះ។ សមត្ថកិច្ចបានឲ្យដឹងថា គ្រោះថ្នាក់ខាងលើនេះគឺបង្កឡើងដោយសារបុរសជាម្ចាស់រថយន្តបើកបរក្នុងសភាពស្រវឹងជោគជាំ និង ក្នុងល្បឿនលឿនហួសកំណត់ទើបបណ្ដាលឲ្យមានរឿងហេតុដូចនេះកើតឡើង។
ក្រោយពេលកើតហេតុសមត្ថកិច្ចមូលដ្ឋានបានសហការជាមួយប៉ូលីសជំនាញចុះធ្វើការអន្តរាគមន៍វាស់វែងស្ទូចយករថយន្តបង្កខាងលើទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីចាត់ការតាមផ្លូវច្បាប់។
ប្រភពមកពី៖ www.kampucheathmey.com
This post was written by: Author Name
Author description goes here. Author description goes here. Follow him on Twitter
Subscribe to:
Post Comments (Atom)
0 Responses to “ស្រវឹងខ្លាំងពេក បើកលើផ្លូវមិនសុខ ក៏ទៅលេងបង្គោលភ្លើងអស់មួយដើម 26/12/2014”
Post a Comment